Што се апиктомија и цистектомија и како се спроведуваат?

Апикотомија и цистектомија се хируршки процедури кои се применуваат за решавање на инфекции на корените на забите и околните ткива.. Некои заби имаат хроничен кариес, последиците може да бидат сериозни. Ова не само што влијае на забното ткиво, туку може да го опфати и нервот, создавајќи инфекција која се шири кон коската и предизвикува формирање на цисти или абнормални процеси. Овие состојби често произлегуваат од недоволно ефективни ендодонтски третмани или неправилно поставени пломби и коронки.

Апикотомија
Апикотомијата е хируршка процедура која се користи кога традиционалните третмани за коренскиот канал (ендодонција) не дава резултати или ако инфекцијата се повторува. Целта на апикотомичната процедура е да се отстрани инфицираниот дел од коренот на забот и да се спречи понатамошно ширење на инфекцијата. Процедурата вклучува правење на мали резови во непцето, отстранување на инфицираните ткива и запечатување на крајот на коренот со специјален материјал. Ако ендодонтскиот третман не е можен или не успева, апикотомијата се изведува за да се исчисти хронично воспаленото ткиво и да се вгради вештачка коска и мембрана, ако е потребно.

Цистектомија
Цистектомијата е хируршка процедура за отстранување на цисти и други абнормални формации околу забите. Цистите се шуплини полни со течност кои можат да се појават како резултат на инфекции, повреди или други фактори. Доколку не се отстранат на време, тие можат да предизвикаат болка, да оштетат околните коски и ткива, па дури и да предизвикаат поместување на забите.

За време на интервенцијата, стоматологот прави мал засек во непцето за да пристапи и отстрани цистата. Процедурата е многу слична на апикотомијата, со ист тек на опоравување. Цистите може да варираат во големина, од 1 cm до неколку cm, и да предизвикаат сериозни оштетувања ако не се третираат. По потреба, изгубената коска може да се замени со вештачка коска и мембрана за да се обезбеди правилно заздравување.

Важно е пациентите да ги следат препораките за постоперативна нега за брзо и успешно закрепнување.

Постоперативна нега
Постоперативната нега е клучна за успешното заздравување по двете процедури. Пациентите добиваат инструкции за одржување на устната хигиена, избегнување на тврда храна и редовно следење со стоматологот. Лекарот може да препише антибиотици за превенција на инфекции и аналгетици за контролирање на болката.
Во Д-р Мојсоска, нашата посветеност е да ви обезбедиме највисок квалитет на грижа за вашите заби.

Контактирајте нè за повеќе информации и за здрава и привлечна насмевка!