Мобилна Ортодонција: Основи и Примена

Мобилната ортодонција е наменета за најмладите пациенти кои сè уште растат и се развиваат. Овие апарати можат да бидат дизајнирани за една вилица (активни плочи) или за двете вилици (активатор, бионатор). Современата ортодонција се повеќе се насочува кон употреба на системот Myobrace , кој е полесна варијанта на подвижни апарати.

При носење на мобилни ортодонтски апарати, соработката и желбата на детето да го носи апаратот се исклучително важни за успехот на терапијата. Протезите треба да се носат минимум 14 часа на ден, а во апаратот се наоѓа завртка која се ротира согласно упатствата на ортодонтот на 7 до 10 дена.

Важно е да се напомене дека мобилните протези не можат целосно да ги исправат силно ротираните или инклинирани заби, ниту забите кои пораснале на погрешно место. За овие аномалии, потребни се фиксни ортодонтски апарати.

Терапијата со мобилни ортодонтски апарати обично претставува првата фаза од третманот, која започнуваме од најрана возраст. Оваа фаза коригира положбата на вилиците, по што се поставува фиксниот апарат за финална корекција на положбата на забите и завршување на терапијата. Ако проблемот не се реши на млада возраст, со текот на времето тој може да стане посложен.

Мобилната ортодонција претставува клучен алат во раната корекција на забните аномалии, овозможувајќи им на децата да развијат здрави и убави насмевки